| اگر چلتی محبت میں درایت |
| تو پھر ہوتا کبھی شکوہ شکایت |
| انانا و دموزی سے چلی ہے |
| محبت میں خسارے کی روایت |
| کبھی پایا نہیں، دل نے جو چاہا |
| ہوئی حسرت محبت میں عنایت |
| جدائی بھی گواہی دے رہی ہے |
| محبت ہو گئی تجھ سے ولایت |
| یہ اتنی خرچ ہوتی ہے زیادہ |
| محبت میں کریں جتنی کفایت |
| بہت کم خواب کی قیمت لگائی |
| محبت میں نہیں کرتے رعایت |
| یقیں اٹھ جائے گا ورنہ سناؤ |
| محبت کی کوئی سچّی حکایت |
| کہاں بدلا کبھی ہم نے ارادہ؟ |
| محبت کی ہمیشہ کی حمایت |
| (ڈاکٹر دبیر عباس سید) |
معلومات