| دنیا میں نہیں کس کو آزار محبت کے |
| چہروں پہ نہیں رکھتے آثار محبت کے |
| فرہاد ہو شیریں ہو لیلیٰ ہوکہ ہو مجنوں |
| ہیں عالمِ گیتی پر اوتار محبت کے |
| ہم دونوں کی الفت کےقصےتھےچَھپےجن میں |
| گھر گھر میں بٹے ہیں وہ اخبار محبت کے |
| نینوں کے اشارے ہوں پلکیں ہوں خمیدہ سی |
| ہوتے ہیں ہوں ہی رستے ہموار محبت کے |
| لولاک کے نغموں سے ہم کن کی صداؤں تک |
| پہنچے ہیں تو جانے ہیں اسرار محبت کے |
| طے کرتے ہیں لمحوں میں یہ عالمِ لاہوتی |
| ثابت ہیں سبھی اور ہم سیّار محبت کے |
| کیا بات تری راؔہی!! غزلیں تری پڑھ پڑھ کر |
| لگتے ہیں ابھی گھر گھر بازار محبت کے |
| ✍️ ابنِ ؔراہی |
معلومات