| دریا میں تو رہتا ہوں پلتا ہوں بھنور میں میں |
| نایاب سا گوہر ہوں یوں اہلِ نظر میں میں |
| خوشبو میں مری مالی ! گلشن کو نہا ڈالو |
| وہ گل ہوں کہ کھلتا ہوں اک بار شجر میں میں |
| معلوم نہیں مجھ کو منزل ہے کہاں میری |
| سو اس لیے رہتا ہوں ہر آن سفر میں میں |
| مقصد کے بنا جینا بے موت ہی مرنا ہے |
| مقصود کو رکھتا ہوں ہر وقت نظر میں میں |
| وہ نیّرِ تاباں ہوں نازاں ہیں ستارے بھی |
| میں خاک نشیں گرچہ ہوں رشکِ قمر میں میں |
| رفعت کی طلب میں ہوں دیوانوں سا پھرتا ہوں |
| کوشش ہے کہ اٹھوں اب آغازِ سحر میں میں |
| ویسے تو مری نظمیں دنیا کو نہیں بھاتیں |
| اک دوست کہتا ہے یکتا ہوں ہنر میں میں |
| میں شاہؔ نہیں گرچہ کہتے ہیں مجھے شاہیؔ |
| اک شوقِ سلاطینی رکھتا ہوں جگر میں میں |
معلومات