| علیؑ کے ذکر سے جلتے ہیں کیا کیا جائے |
| وہ روشنی سے ہی ڈرتے ہیںکیا کیا جائے |
| وہ جن کے ہاتھوں میں دامانِ مرتضیٰؑ ہی نہیں |
| وہ لوگ ہاتھ ہی ملتے ہیں کیا کیا جائے |
| خود اپنے جسم پہ تحریرِ عشق لکھنے کو |
| ہمارے بچے مچلتے ہیں کیا کیا جائے |
| ملے نہ آبِ ولا جن کو، ایسی شاخوں پر |
| ہمیشہ خار نکلتے ہیں کیا کیا جائے |
| تمہارے خاروں میں ہے رنگ اور نہ بو ہے کوئی |
| ہمارے پھول مہکتے ہیں کیا کیا جائے |
| وہ بدنسب ہی نہیں بد نصیب بھی ہیں ظہیرؔ |
| علی کے نام سے جلتے ہیں کیا کیا جائے |
معلومات