| آج بھی نہ آۓ تم |
| آج بھی میں بے قرار |
| دل شکستہ دل فگار |
| غم کشیدہ ، سوگوار |
| اشک ریز و اشکبار |
| ڈھونڈتا رہا تمہیں |
| رہ گزار رہ گزار |
| آج بھی ہواؤں میں |
| شمع جھلملاتی ہے |
| آج بھی فضاؤں میں |
| یاس گنگناتی ہے |
| آج بھی یہ چاندنی |
| دل مرا دکھاتی ہے |
| آج بھی دھواں دھواں |
| لگ رہا ہے آسماں |
| آج بھی ہے غمزدہ |
| چاند تارے کہکشاں |
| آج بھی اداس ہے |
| رنگ و روپ کا جہاں |
| آج بھی یہ ریت ہے |
| دل پہ تہمتِ ریا |
| آج بھی یہ رسم ہے |
| اہلِ عشق بے وفا |
| آج بھی رواج ہے |
| حسن والے با صفا |
| آج بھی یہ رنج ہے |
| مجھ سے کیا ہوئی خطا |
| شام کیوں خموش ہے |
| رات کیوں خفا خفا |
| صبح تیر و تار کیوں |
| تیز و تند کیوں صبا |
| آج بھی اے منتظر |
| میں تمہاری راہ پر |
| لے کے اپنی چشمِ تر |
| دل پریشاں خوں جگر |
| دیکھتا رہا میں رہ |
| پر نہ آیا نامہ بر |
| آج بھی یہ بادہ کش |
| حسن و عشق میں ہے گم |
| نامرادِ مے کدہ |
| نا امیدِ جام و خم |
| پر شرابِ دید بھی |
| ساقیا ! نہ لاۓ تم |
| آج بھی نہ آۓ تم |
معلومات