| حُسْن و جَمال کے تو دَریا بَہا دیئے پَر |
| عَقْل و خِرَد کو اُس نے بَس خال خال پَھینکا |
| دِل میں بھی رَہ کے اُس کا جب دِل نَہ لگ سَکا تو |
| مَیں نے بھی ایک دِن پِھر دِل سے نِکال پَھینکا |
| میرا جواب سُن کے پِھر رُک نَہِیں سَکا وہ |
| جِس وَقْت مُجھ پَہ اُس نے چُبھتا سوال پَھینکا |
| جَب طَیش آ گیا تو پِھرطَیش آ گیا بَس |
| اُس کے بَڑھے جو نَخْرے مَیں نے بھی مال پَھینکا |
| آئے جو مَوج میں تو سَب چھوڑ چَھاڑ ڈالا |
| سَب تَج کے کَج کُلاہی، مال و مَنال پَھینکا |
| جیسے ہی اُس کی رَحمت آئی جَلال میں تو |
| جاہ و جلال نے خُود جاہ و جَلال پَھینکا |
| تیری طرف تو اُس نے سب خُوشیاں پَھینک دیں پَر |
| میری طرف تو اُس نے حُزن و مَلال پَھینکا |
| سُنتے ہیں جَب یہ دُنیا تَخلِیق ہو رہی تھی |
| ہَر ایک سَمْت اُس نے حُسْن و جَمال پَھینکا |
| ٹَسْوے بَہا بَہا کے جب تَھک چُکا وہ ظالِم |
| مُجھ پھانسْنے کو اُس نے تَب اور جال پَھینکا |
| جو جو نہ کر سَکے تھے وہ سَب کمال کر کے |
| پِھر سَر خُوشی میں آ کر وہ سَب کمال پَھینکا |
| (مرزا رضی اُلرّحمان) |
معلومات