| در خورِ اعتنا نہیں سمجھا |
| آپ نے ہم کو یا نہیں سمجھا |
| آپ تو جانتے ہیں سچ کہئے |
| آپ کو ہم نے کیا نہیں سمجھا |
| آپ کو ہم نے جو دیا پیغام |
| آپ نے بارہا نہیں سمجھا |
| آپ کو دوش دیں بھلا کیسے |
| آپ کو جو ملا نہیں سمجھا |
| وہ جو روشن دماغ رکھتا تھا |
| وہ دعا کو دغا نہیں سمجھا |
| پاؤں نازک تھے پھر بھی چل نکلا |
| عشق کا راستہ نہیں سمجھا |
| جس کا اپنا وجود باقی تھا |
| پیار کی انتہا نہیں سمجھا |
| آشنا تھا جو اس محبّت سے |
| وہ تو اچھا برا نہیں سمجھا |
| غیر کی بات چھوڑ اپنی کر |
| کون تجھ کو بتا نہیں سمجھا |
| اس کے سینے میں تو حرارت تھی |
| دل میں جلتا دیا نہیں سمجھا |
| طارق اس بے ثبات دنیا کو |
| زیست کا آسرا نہیں سمجھا |
معلومات