| اشک جو آنکھوں سے نکلا تو نگینہ بن گیا |
| یاد آئے مصطفٰی ﷺ تو دل مدینہ بن گیا |
| آپﷺ کی تعریف میں لکھنے لگا جو نعت میں |
| سامنے طُوفان آیا تھا سفینہ بن گیا |
| جس کو پاکر سرخرو ہوتا گیا رب کے حضور |
| عشق تیرا آخرت میں وہ خزینہ بن گیا |
| جب مجھے آقاﷺ نے بلوایا مدینے پاک میں |
| خوبصورت زندگی کا وہ مہینہ بن گیا |
| آپﷺ کی نسبت محبت اور عنایت مل گئی |
| زندگی میں کامیابی کا قرینہ بن گیا |
| جن کی خوشبو سے معطر ہو رہی ہے زندگی |
| اُن گلوں سے بڑھ کے آقاﷺ کا پسینہ بن گیا |
| آپ ﷺ نے فرما دیا کہ ہے میاؔں میرا گدا |
| روزِ محشر خلد کو جانے کا زینہ بن گیا |
| میاں حمزہ |
معلومات