| نجانے کیا ہوا اک دن |
| مری پلکوں پہ آنسو تھے |
| لبوں پر مسکراہٹ تھی |
| سمجھ وہ کچھ نہیں پایا |
| وہ کچھ بھی کہہ نہیں پایا |
| مگر وہ سہہ نہیں پایا |
| انا کا وہ پجاری تھا |
| گراتا تھا وہ قدموں میں |
| گرا کر پھر اٹھاتا تھا |
| گلے سے پھر لگاتا ہے |
| اکیلا چھوڑ جاتا تھا |
| مجھے وہ توڑ جاتا تھا |
| گرانے کا اٹھانے کا |
| ہنسانے کا رلانے کا |
| یہی تو شوق تھا اس کا |
| میں ترسا تھا محبت کا |
| مداری کی طرح مجھ کو |
| اشاروں پر نچاتا تھا |
| بھروسہ تھا اسے مجھ پر |
| کہ اس کا پیار پانے کو |
| میں ہر قیمت چکاؤں گا |
| نجانے کیا ہوا اس دن |
| کہ اس نے پھر مجھے توڑا |
| مگر اس مرتبہ میں کچھ |
| نئے انداز سے ٹوٹا |
| جہاں جڑنے کی خواہش تھی |
| وہاں سے ہی فقط ٹوٹا |
| جڑوں تو اب جڑوں کیسے |
معلومات