| اے شہکارِ فطرت اسیرِ زمانی |
| عجب ہے جہانوں میں تیری کہانی |
| نہیں دور حق سے نہ وہ دور تجھ سے |
| پرکھ ہے سدا پیارے یہ زندگانی |
| وہی ابتدا ہے وہی انتہا ہے |
| اٹل حکم اس کا رکھے کامرانی |
| جو جلوہ نما ہے نہاں بھی وہ ہی ہے |
| وہ خالق ہے یکتا کرے پاسبانی |
| جو حق ہے نظارہ وہ حق ہی نظر ہے |
| ہے ناظر جو قادر وہ منظر ہے جانی |
| حسیں دِیکھتا ہے حسن کو وہ دیکھے |
| اسی کا ہے منظر وہ ہی ترجمانی |
| ہے حق سننے والا وہی بولتا ہے |
| ہے حق کی کہانی اسی کی زبانی |
| ہے اندر جو رہتا ہے باہر وہ ہر جا |
| عیاں اس کے جلوے نہیں لن ترانی |
| فقیری ہے دیتا امیری ہے دیتا |
| وہ دے قیصری بھی وہ دے شادمانی |
| وزیری اسی سے اسیری اسی سے |
| کرے پادشاہی کرے حکمرانی |
| اے قیدی مکاں کے تو آیا کہاں سے |
| یہ حرکت زمانی تو ہے لامکانی |
| جو محمود مٹی ملی خاک میں جب |
| اے خلقِ زمانی ملی جاودانی |
معلومات