| الله کے کرم سے اپنی تو ہے بات مدینے والے سے |
| کستوری و عنبر سے اچھی خوشبو کے پسینے والے سے |
| ۔۔۔۔ |
| نہیں کوئی مثل و مثال انکی ایمان تقاضا کر تا ہے |
| یہی اپنا بھی یارو تقاضا ہے بے مروت جینے والے سے |
| ۔۔۔۔ |
| الله کا غضب ہے انکے لیے ہے جن کے دلوں میں بغض نبی |
| اے مالک اپنی پناہ میں رکھ اس بغض و کینے والے سے |
| ۔۔۔۔ |
| اے ساقیِ کوثر بھر کے پِلا اک جامِ محبت نظروں سے |
| پوچھو تو مزا ہے کیا اس میں شبِ ہجرت پینے والے سے |
| ۔۔۔۔ |
| محبوبِ خدا بن جاتا ہے ا تباعِ محمؑد میں جو رہے |
| اے مومنو رکھیو مودت بس نشرح کے سینے والے سے |
| ۔۔۔۔ |
| اے عتیق تو پیارے آقا کی نعتوں کا قرینہ سجائے رکھ |
| الله کی رحمت ہے بے شک آقا کے قرینے والے سے |
معلومات