| اگرچہ اس سے محبّت کی بات کرتے ہیں |
| وہ کم ہیں اس کی مقدّم جو ذات کرتے ہیں |
| کھڑا ہے تاک میں ہر وقت نفسِ امّارہ |
| ہیں خوش نصیب اسے جو بھی مات کرتے ہیں |
| ہیں مشکلوں میں بہت لوگ ، جیسے تیسے بس |
| وہ رات دن کو ، کبھی دن کو رات کرتے ہیں |
| زمیں پہ ، آسماں سے کھینچ لائیں انساں کو |
| عجیب کام کبھی حادثات کرتے ہیں |
| خدا کے بندے جو راضی ہوں اس کی مرضی پر |
| دعائیں کر کے وہی معجزات کرتے ہیں |
| اسی کے حسن کی تھوڑی سی جلوہ آرائی |
| چمن میں مل کے یہ سب پھول پات کرتے ہیں |
| اسی کے سامنے سجدہ سبھی ، یہ سورج چاند |
| ستارے ، کہکشاں ، سب کائنات کرتے ہیں |
| مجھے تو رشک ہوا دیکھ کر انہیں طارق |
| جو اس کے نام یہ ساری حیات کرتے ہیں |
معلومات