وصل کا انتظار کرتے ہوئے |
عُمر گزری ہے پیار کرتے ہوئے |
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
حوصلہ چاہیے چٹانوں سا |
غم کے دریا کو پار کرتے ہوئے |
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
ہم خزاؤں سے بار ہا اُلجھے |
نام اس کے بہار کرتے ہوئے |
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
پوچھ مت جو بھی ہم پہ گزری ہے |
زندگی تجھ سے پیار کرتے ہوئے |
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
دل مرا بھی کسی چراغ کے ساتھ |
رو پڑا انتظار کرتے ہوئے |
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
سوچتے ہی نہیں ہیں لوگ یہاں |
اپنے جیون کو خار کرتے ہوئے |
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
رنج و غم میں حیات کاٹی ہے |
جاں کسی پر نثار کرتے ہوئے |
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
آہیں بھر بھر کے رو پڑا مانی |
غم کے لمحے شمار کرتے ہوئے |
معلومات