کئی اُولُوالعزم نبیوںؑ نے جتائی تھیں یہ حسرت بھی |
عطا کر دے خدا امت پنہ میں ادنیٰ نسبت بھی |
جہاں پر رحمتیں ہر سُو بے پایاں جس سبب چھائیں |
"وہی ہے باعثِ رشد و ہدایت بھی شفاعت بھی" |
محمدؐ نام آئے مالکِ کون و مکاں کے ساتھ |
امام الانبیا بھی آپؐ ہیں تاجِ نبوت بھی |
ارادہ قتل کرنے کا لئے نکلے تھے گھر سے پر |
عمرؓ نے پائی صدقہ میں رفاقت بھی خلافت بھی |
مِن و عن پیش گوئی آپؐ کی اتری صداقت پر |
رسائی قیصَر و کسریٰ تلک ہوگی حکومت بھی |
فضا مہکی ہے آمد سے، معطر ہو گیا عالم |
جہاں پُرنور بھی انسانیت پر اک عنایت بھی |
زباں حرکت کرے ناصؔر اگر آقاؐ کی مدحت میں |
جھلکتی ہے نمایاں تب محبت بھی عقیدت بھی |
معلومات