| کسی بھی شہر وفا سے صدا نہیں آتی |
| گل و چمن سے ہمیں اب صبا نہیں آتی |
| دیار درد میں آمد نہیں مسیحا کی |
| جو بڑھ کے ہجر سے پھر ابتلا نہیں آتی |
| حیات نام ہے دنیا میں اس حقیقت کا |
| گئے دنوں کی جو آواز پا نہیں آتی |
| دھنک کے رنگ بڑے مہرباں فلک پر ہیں |
| مگر برسنے کو کالی گھٹا نہیں اتی |
| رواں دواں سے ہیں خوشبو کے قافلے لیکن |
| کھلے دریچوں سے پھر بھی ہوا نہیں آتی |
| محبتوں کا دلوں پر نہ اب اثر ہو گا |
| انہیں تو یاد بھی بے ساختہ نہیں آتی |
| اسیر شوق ہے شاہد فقط ترا شاعر |
| اسے تو بات بھی خوش نوا نہیں آتی |
معلومات