| سرکار کی نگری ہے پر کیف نظارے ہیں |
| کبھی بھولیں نہ یہ لمحے جو اس میں گزارے ہیں |
| بطحا میں چمن کے گل رکھتے ہیں مہک پیاری |
| جو عطرِ نبی سے ہے کیا بھاگ ہمارے ہیں |
| آتے ہیں یہاں سارے لیے گجرے درودوں کے |
| ہیں جن و بشر ان میں نوری بھی جو پیارے ہیں |
| یہاں کرم کی برکھا ہے ہر کس پہ جو گرتی ہے |
| ملے فیض انہیں وافر آئے غم کے جو مارے ہیں |
| کیا راتیں حسیں اس کی دن نور سے پُر اس کے |
| ہر پل میں ہی راحت ہے بڑے وارے نیارے ہیں |
| یہ رشکِ جناں اس جا جو روضہ ہے دلبر کا |
| اور جالی کی یہ جھلمل کرے ماند جو تارے ہیں |
| محمود نگر اُن کا دنیا میں جو جنت ہے |
| دل جان ہیں جو اس کے سلطان نیارے ہیں |
معلومات