| ذکر کل محفل میں چل نکلا مرے دلدار کا |
| مل گیا موقع مجھے بھی پیار کے اظہار کا |
| حسن کا نقشہ جو کھینچا لکھ دئے سارے حروف |
| جن سے بن جائے گا مجموعہ مرے اشعار کا |
| اپنی آنکھیں دیکھ کر شرما گئی چشمِ غزال |
| حسن جب اس کو نظر آیا ہے چشمِ یار کا |
| نور سے اس کے ہوا روشن جو دن کو آفتاب |
| دیکھ کر زلفیں ، کیا شب نے ارادہ ہار کا |
| آسماں پر کہکشاؤں نے بنایا ہے جسے |
| ہر ستارہ اک نمونہ ہے اسی چمکار کا |
| سر سے پاؤں تک مرے ظاہر ہوئے اس کے نقوش |
| جیسے فطرت ہو گئی مظہر مری سرکار کا |
| ابتدا سے انتہا تک نقص پا سکتا نہیں |
| گرچہ دوڑائے نظر ، ہے تجربہ سو بار کا |
| دیکھ کر ، بھی دیکھ کب پائے ، نہیں عقل و شعور |
| دل ہے قائل ، حوصلہ پھر کیوں نہیں اقرار کا |
| ایک جلوے سے گرفتارِ محبّت ہو گئے |
| ہم کہاں پڑھ پائے دفتر اس کے سب اسرار کا |
| جس طرف دیکھیں ہمیں طارق نظر آتا ہے وہ |
| ہم بھی اس کے ہو گئے، جو ہو گیا ہے یار کا |
معلومات