| مولا مھدی ادرکنی |
| مولا مھدی ادرکنی |
| ہر طرف بڑھنے لگے درد و الم یا مولا |
| ہم غلاموں پہ ہوئے ظلم و ستم یا مولا |
| آپ کے دم سے ہے ہم سب کا بھرم یا مولا |
| آپ کے در سے ہے امید کرم یا مولا |
| کیجئے غم کی دوا اے خلفِ مُرتضوی |
| ہم گنہگاروں کا ہے کون سہارا مولا |
| ہم غریبوں کے لیے ہے یہی چارا مولا |
| جب کبھی غم میں پھنسے تم کو پکارا مولا |
| آپ ہیں اپنے لیے زیست کا یارا مولا |
| آپ ہیں اپنا وسیلا و وظیفہ ابدی |
| کیجئے ہم پہ کرم ایک نظر ہم پہ کریں |
| ہم بھی مشتاق ہیں دیدار کو یہ بھی سوچیں |
| ہم غلام آپ کے ہیں آپ کا دم کیوں نہ بھریں |
| آپ کے قدموں پہ رخسار کیا آنکھوں کو ملیں |
| بس یہی وردِ زباں ہے یہی گفتار مری |
| ہو اماں اس کو جہاں بھی کوئی انسان رہے |
| مضطرب چرخ میں کوئی بھی نہ حیوان رہے |
| سب رہیں امن سے جس جس میں جہاں جان رہے |
| نہ کسی نفس پہ ہاوی کوئی شیطان رہے |
| ہے دعا چرخ میں قائم ہو نظامِ احدی |
| کُرّہِ ارض پے تںگ دست نہ ہو کوئی بشر |
| جبرِ مطلق سے نکل آئے یہ انساں اٹھ کر |
| کر سکے کوئی نہ پھر ظلم بنی آدم پر |
| ہر طرف عدل ہو اور آپ کا سایہ سر پر |
| رحم بر حالَتِ انسان جلالِ احدی |
| نہ کسی نہر کنارے کوئی پیاسا ہو امام |
| نہ کہیں تیر و تبر سے کوئی زخمی ہو غلام |
| نہ کوئی نیزا کرے سینہِ اکبر میں قیام |
| نہ ہو اصغر کا گلو پیکرِ حرمل کا مقام |
| آئیے کربَلا دیتی ہے صدا ابن علی |
| لب پہ حیدر یہ ترے ورد سدا جاری ہو |
| یا امامِ دو جہاں اب تو خبر داری ہو |
| اپنے مجرم پہ کریمی کی نظر داری ہو |
| میری قسمت میں ادا حقِ طرف داری ہو |
| دیجے نسلوں میں غلامی کی سند یا مھدی |
معلومات