| تھا بھلا پہلا یا کہ آخر کا |
| علم اس کو ہے غیب و حاضر کا |
| عسکری تربیت ملی مجھ کو |
| دل ہے سینے میں ایک شاعر کا |
| شہر در شہر اُڑ کے جاتا ہوں |
| یہ ہنر مجھ میں بھی ہے طائر کا |
| یونہی بنتا نہیں ہے تاج محل |
| مال لگ جاتا ہے ذخائر کا |
| شوق مہنگا ہے عشق کرنے کا |
| یہ بھی اک تبصرہ تھا زائر کا |
| دل جنھوں نے دیا جنوں تو نہ تھا |
| بوجھ ان پر نہ تھا ضمائر کا |
| یاد آتی ہے اک وعید مجھے |
| ذکر آتا ہے جب جزائر کا |
| طارق اب اس سے آشنائی ہے |
| کیا اثر ہو گا مجھ پہ ساحر کا |
معلومات