| دھڑکن سی دھڑکتی ہے جو دھڑکن کی صدا سُن |
| آ میرے بڑھاپے تو لڑکپن کی صدا سُن |
| کب تک میں سناؤں تجھے قسطوں میں اذیت |
| اس روح میں آ بیٹھ کے تن من کی صدا سُن |
| کانوں میں ترے رقص جو رس گھول رہا ہے |
| چولہے پہ کسی بھوک کے برتن کی صدا س٘ن |
| دیوار کے اس پار تری آنکھ نہ جھانکے |
| اس پار تو آرام سے اترن کی صدا سُن |
| کچھ تیل چراغوں میں ابھی شعلہ فشاں ہے |
| دہلیز مری پار کر آنگن کی صدا سُن |
| تونے تو حصاروں سے ابھی خاک نہ کھینچی |
| پتھر تو اٹھا عکس پہ درپن کی صدا سُن |
| ہاتھوں میں ترے نام کے کنگن ہیں یہ شیدؔا |
| کھڑکی تو ذرا کھول دے جوگن کی صدا سُن |
معلومات