| یہ دل اپنی محبت میں ہمیشہ شاد رکھ مولا |
| محمد ﷺ کی غلامی میں اسے آباد رکھ مولا |
| مجھے ثابت قدم رکھنا ہمیشہ راہ سنت پر |
| مجھے دنیا کے درد و غم سے بھی آزاد رکھ مولا |
| نگاہیں ہوں ہمیشہ گنبدِ خضرا کی جانب ہی |
| مجھے عشقِ حقیقی کا فقط صیاد رکھ مولا |
| خطاؤں سے بچا مولا تو اپنے یار کا صدقہ |
| مرے لب پر ہمیشہ جاری یہ فریاد رکھ مولا |
| عتیقؔ آخر گھڑی تک ہو محمد ﷺ کا ہی دیوانہ |
| مرے ایمان کی مضبوط یہ بنیاد رکھ مولا |
معلومات