.jpg)
| الف احدیت، لام جمالی اتے لام جلالی |
| "ھ" هویت ذات اشارا, اسم اللہ دا |
| اتنا کامل ہر ہر حرف ہے ذات تے شاہد |
| الف احد, لِلہ ,لَهُ تے هو استعارا, اسم اللہ دا |
| الاالله اصل اصول مياں, نہ اتحاد نہ حلول میاں |
| قاطع شرکت, دافع ظلمت, نور نظارا, اسم اللہ دا |
| اعظم و اکبر, غالب برتر, ذات الہی |
| تائیوں ہے میزان تے بھارا, اسم اللہ دا |
| ذات اپنی توں مقدم رکھیا تے افضل دسیا |
| رسول خدا نوں ہے کتنا پیارا, اسم اللہ دا |
| نور خدا نال روشن ہن زمین, اسمان, ستارے |
| شمس و قمر وچ کرے چمکارا, اسم اللہ دا |
| کل عالم وچ گونج رہیا اے ازلاں توں |
| ہے بزم جہاں دا نقارا, اسم اللہ دا |
| غافل جیہڑے ذکر خدا توں, چلدے پھردے مردے |
| بھليں نا تو ہن خدارا, اسم اللہ دا |
| کڈھے غفلت دی بستی توں, اسفل دی پستی توں |
| کرے بلند بخت ستارا, اسم اللہ دا |
| احد نال تینوں جوڑ دیوے, دوئ دا بت توڑ دیوے |
| ما سوا توں دواۓ چھٹکارا, اسم اللہ دا |
| پکار سوہنے نوں اسدے سوہنے اسماں توں |
| ہر منگتے دا ہے سہارا, اسم اللہ دا |
| ذکر خدا وج اے ذاکر, شمار نہ کر, افتخار نہ کر |
| جاپے ہر دم عالم سارا, اسم اللہ دا |
| دنیا عقبی چھڈ کے، کر لے راضی مولا |
| فنا بقا دا راز نیارا, اسم اللہ دا |
| حافظ ماہی, کمایا عشق تے پایا وصل الہی |
| مکھ اوہدے توں مارے لشکارا, اسم اللہ دا |
| غلام تینوں سُر نا کائ جے چاہناں اے عشق الهی |
| نال تصور حافظ ماہی پڑھ دوبارا, اسم اللہ دا |
معلومات