اُس صنم ، اُس شعلہ رو ، اُس گل بدن کی روشنی |
آئی ہے ظلمت کدے میں اک کرن کی روشنی |
تیرے آنے سے ہماری بزمِ عشرت سج گئی |
ہو گئی دو چند شمعِ انجمن کی روشنی |
خوں رلاتا ہے ہمیں شب بھر یہ ظالم ماہتاب |
چاندنی میں ہے نگارِ دل شکن کی روشنی |
چاہیے ہے زیست کی تاریک راہوں میں مرے |
دیدہ و دل کو کسی عہدِ کہن کی روشنی |
کشورِ نا آشنا کی تیرگی میں دم بدم |
یاد آتی ہے ہمیں صبحِ وطن کی روشنی |
سچ کہوں سمرن تو وہ بے سوز اور بے نور ہیں |
جن سخن میں ہو نہ اُس جانِ سخن کی روشنی |
معلومات