| شہر میں تازگی سی لگتی ہے |
| یہ فضا اجنبی سی لگتی ہے |
| اتنے مانوس ہو گئے ہیں ہم |
| آشنا خامُشی سی لگتی ہے |
| بات ماضی کی کیوں کریں سارے |
| حال میں کیا کمی سی لگتی ہے |
| کل کو ہو گی جو روشنی ہو گی |
| آج کیوں تیرگی سی لگتی ہے |
| اب محبّت بھی تو کرے کوئی |
| زندگی دل لگی سی لگتی ہے |
| پیرہن غم کا اوڑھ کر آئی |
| ہر خوشی ہی ڈری سی لگتی ہے |
| کوئی پوچھے تو اس کو بتلائیں |
| موت کیوں زندگی سی لگتی ہے |
| سوز میں ڈوبتی ہوئی آواز |
| دل کی افسردگی سی لگتی ہے |
| طارق امّید کی کرن تم ہو |
| آس تم سے بندھی سی لگتی ہے |
معلومات