جناب یہ تاک راتیں کیا ہوتی ہیں؟
کیا اس طرح کی نطم میں قافیے کی پابندی ضروری نہیں ہوتی ؟

قافیہ کی پابندی کی جو بات ہے تو نظم کی کوئی ہیئت نہیں ہوتی ۔ لیکن جس حوالے سے آپ بات کررہے ہیں کہ قریب الصوت قافیہ جات استعمال کیے گئے اس میں بہت اختلاف ہے تو مختلف فیہ بات میں نئے شعرا کو کچھ رعایت دینی چاہیے۔ اور اوپر لفظ تاک میں املاء کہ غلطی بندۂ کم علم سے ہوئی لفظ " طاق" آنا تھا جس کا معنی ہے وہ عدد جو 2 پر تقسیم نہ ہونے پائے ، چوں کہ طاق راتوں کو فضیلت حاصل ہے اس لیے یہاں طاق راتوں کا لکھا گیا۔ باقی مجھے خوشی ہوئی آپ نے میری بہتری کے لیے اپنی رائے کا اظہار کیا ۔ شکریہ

نظم کی تو مسلمہ ہیئیتیں ہوتی ہیں - پابند نظم ، معریٰ نظم اور آزاد نظم وغیرہ -
آپ نے پابند نظم لکھنے کی کوشش کی ہے تو قافیہ کی پابندی تو لازمی ہے - اور میں صوتی قافیے کی تو بات ہی نہیں کر رہا - اس میں آپ تو کو مختلف آرا مل جائیں گی - میں تو غلط قوافی کی بات کر رہا ہوں -

اگر یہ مان بھی لیا جائے کہ مشتاق کا قافیہ پاک ہو سکتا ہے تب بھی ٹوک اور ذوق انکے قافیے نہیں ہو سکتے الا یہ کہ یہ ٹاک اور ذاق ہوتے -

باقی جب کسی کا کلام چھپتا ہے تو اس پہ یہ نہیں لکھا ہوتا کہ یہ نیا شاعر ہے اس کے ساتھ رعایت کی جائے جیسے کہ نئی نئی گاڑی چلانے والے کے پیچھے "ایل" لکھا ہوتا ہے -

اگر نیا نیا شاعر رعایت کا طلبگار ہو گا تو یہ بتائیے کہ وہ سیکھے گا کب جبکہ کوئی اس کی غلطی کی نشاندہی اس لیئے نہ کرسکے کہ وہ نیا نیا شاعر ہے؟

ٹھیک جناب میں کوشش کروں گا آئندہ اس طرح کی غلطی سے بچوں اگر ان کے علاوہ آپ کے ذہن میں کوئی مناسب لفظ ہے تو وہ بتادیں ۔

میں کیا مناسب لفظ بتا سکتا ہوں میرے حساب سے تو صوتی قافیے سنجیدہ شاعری میں جائز ہی نہیں - مزاحیہ کلام ہو تو اور بات ہے - یہ مشتاق کا قافیہ پاک ہوتا ہی نہیں تو میں کیا صلاح دے سکتا ہوں ؟

البتہ ایک مشورہ ہے کسی بھی کلام میں اتنے سارے شعر تھوک کے حساب سے لکھنے کے بجائے - 5 سے 7 معیاری اور درست اشعار لکھیں تو یہ بہتر ہے -