| دین کے تم پھبن السلام السلام |
| اے حسین و حسن السلام السلام |
| مولیٰ حیدر کے گل جان زہرا بتول |
| باغ جنت کے گل تم ہو نورِ رسول |
| تم کو بھیجیں سلام انبیا و رسل |
| اے گلِ پنج تن السلام السلام |
| اے حسین و حسن السلام السلام |
| جس کو جنت سے جوڑا دلایا گیا |
| جس کو جنت کا دولہا بنایا گیا |
| اور شہادت کا مژدہ سنایا گیا |
| اے شہیدوں کے تن السلام السلام |
| اے حسین و حسن السلام السلام |
| دوشِ اطہر کی جس کو سواری ملے |
| زلف اقدس بھی جن کا کھلونا بنے |
| آپ کے تن کو آقا نے سونگھا کیے |
| مشک جیسی بدن السلام السلام |
| اے حسین و حسن السلام السلام |
| جس کو کہتے ہیں سب ہم شبیہِ رسول |
| جس نے مہکاۓ امت میں الفت پھول |
| جس نے باطل کے منہ بھر دیے خاک و دھول |
| یعنی مولٰی حسن السلام السلام |
| اے حسین و حسن السلام السلام |
| دیکھو دیکھو وہ نیزے پہ سر آ رہا |
| جسم سے ہے جدا حمد رب گا رہا |
| حق تعالیٰ بھی یہ تم سے فرما رہا |
| شمعِ حق کے کرن السلام السلام |
| اے حسین و حسن السلام السلام |
| ان سے بچھڑے تو گلؔ ہر بشر رو پڑے |
| غم سے کعبہ کے دیوار و در رو پڑے |
| شہر آقا کا ہر ایک گھر رو پڑے |
| روۓ سارا وطن السلام السلام |
| اے حسین و حسن السلام السلام |
معلومات