| اکثر کھو سا جاتا ہوں میں |
| رنج و الم آہِ سوزاں میں |
| مُلکِ عدم کے رازِ نہاں میں |
| خوابوں کے شہرِ ویراں میں |
| دُنیا کے شُورِ طِفلاں میں |
| ہوش و خِرد اور سُود و زیاں میں |
| یادوں کے اِک قبرستاں میں |
| اکثر کھو سا جاتا ہوں میں |
| تنہا خموش سیہ راتوں میں |
| موسمِ غم کی برساتوں میں |
| خود سے اپنی ملاقاتوں میں |
| منزل کے اُلجھے رستوں میں |
| واعظ و رندوں کی باتوں میں |
| جزا سزا کے سب کھاتوں میں |
| اکثر کھو سا جاتا ہوں میں |
معلومات