| شاخوں پہ پھول ہیں نہ طلب باغبان کو |
| روتی رہی نسیمِ سحر آسمان کو |
| کرتے ہیں قتل و خون سے دھرتی لہو لہو |
| بہتان باندھ دیتے ہیں خنجر سنان کو |
| مایوسیوں اداسیوں کا طوق الاماں |
| پہنچے گی کب زمیں کی خبر آسمان کو |
| کوئی تو مستجابِ دعا بالیقین ہے |
| مخلوق مر رہی ہے کہے لا مکان کو |
| تم کو مری بے رغبتی سے ہے عبث گِلہ |
| سُن لو کبھی خدا کے لئے داستان کو |
| آپس کی رنجشوں کی وجہ یہ بھی ہے ندیم |
| قینچی کی طرح چلتی ہے روکو زبان کو |
| اس طرف ٹھاٹھ باٹھ کا دولت کا ارتکاز |
| اس سمت تِیر رو رہا ٹُوٹی کمان کو |
| قحط الرجال کیوں کہوں کثرت سے لوگ ہیں |
| آواز دو بلا لو کسی ہم زبان کو |
| امید کافی لوگ ولادت سے پیشتر |
| پھینکے گئے زمیں پہ تا کہ روئیں جان کو |
معلومات