| ہو آمد نئے سال کی کچھ سہانی |
| ہو ساگر کے ساحل پہ محفل سجانی |
| کہ گونجے پٹاخے، ہو جشن چراغاں |
| چلو مل کے اپنائیں گے رت پرانی |
| نہ ماتھے پہ کوئی شکن ہو نہ الجھن |
| بھلا کے گلے رسم بھی ہے منانی |
| کریں شمع روشن لہو کو جلا کر |
| زمانہ یہ دہرائے گا پھر کہانی |
| تقاضہ یہی ہے رہیں ہوش میں ہم |
| خدارا اجڑنے نہ پائے جوانی |
| شگفتہ جبیں اور وجہ حسیں ہو |
| تبسم ہے زندہ دلی کی نشانی |
| ڈگر پرخطر آئے گر رہ میں ناصؔر |
| نبھانا ہے پیغام الفت کو جانی |
معلومات