| مرا پیچھا جو کرتی تھیں دُعائیں یاد آتی ہیں |
| مُحبّت میں سبھی گُندھی صدائیں یاد آتی ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| خدارا بس کرو لڑنا نہ کھیلو خون کی ہولی |
| وہ جن کے چِھن گئے بچے وہ مائیں یاد آتی ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| گلی میں کھیلتے بچّوں کو دیکھے ہی مَیں جاتا ہوں |
| وہ بچپن کی سبھی مُجھ کو ادائیں یاد آتی ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| شجر سے ٹوٹ کر پتے نہیں جُڑتے کبھی لیکن |
| پرندوں کی درختوں سے وفائیں یاد آتی ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| پرانی ڈائری کھولیں تو آنکھیں نم ہو جاتی ہیں |
| جو ہم ناراض رہتے تھے انائیں یاد آتی ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| مُجھے حالات کے سانپوں نے اب جب گھیر رکّھا ہے |
| کہانی میں جو سُنتے تھے بلائیں یاد آتی ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| معافی کی دعائیں روز کرتا ہوں میں خالق سے |
| جو ماضی میں ہوئیں وہ سب خطائیں یاد آتی ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اجل نے رُوپ دھارا تھا زمانے میں کرونا کا |
| خدا کے رحم کی ساری دُعائیں یاد آتی ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| دلِ بیمار تو تیرا کبھی احساں نہیں بُھولا |
| ترے دیدار سے پائی شفائیں یاد آتی ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| دیارِ غیر میں مانی میسّر ہے سبھی کچھ پر |
| وہ ماں کے ہاتھ کی ساری غزائیں یاد آتی ہیں |
معلومات