| بلغ العلیٰ بکمالہٖ ۔ کشف الدجیٰ بجمالہٖ |
| حسنت جمیعُ خصالہٖ ۔ صلوا علیہ و اٰ لہٖ |
| میرے مصطفیٰ کے کمال کی ،میرے مجتبٰی کے جمال کی |
| میرے مرتضی کے خصال کی، نہ مثل کوئی، نہ مثال ہی |
| وہ کتابِ حق لیے آگیے ، جو جہاں میں سب کو سنا گیے |
| ابدی نظام بتا گیے ، ہیں سراپا صدقِ مقال ہی |
| سبھی انبیاء کے امام ہیں، وہی خیر و فخر انام ہیں |
| کہ وہ ایسے عالی مقام ہیں،کوئی پہونچے کیا ہے مجال ہی |
| وہ بشیر ہیں وہ نذیر ہیں؛ وہ حبیبِ رب قدیر ہیں |
| وہی ماہِ بدرِ منیر ہیں ، ہو بدل کوئی، ہے محال ہی |
| اے منور اب یہی کام ہو، کہ بلب درود و سلام ہو |
| کہ اسی میں عمر تمام ہو ، درِ رب سے ہے یہ سوال ہی |
معلومات