| عجب اُلٹا سفر ہے تیرے گھر کا |
| کہ منزل ہے کہیں رستہ کدھر کا |
| کڑی افتاد دیکھی دل لگی میں |
| کہ دل کے ساتھ ہی سودا جگر کا |
| کوئی تحفہ کروں ارسال ان کو |
| عنایت کر دیں گر سائز کمر کا |
| مرا خط پڑھ لیا رستے میں جس نے |
| بُرا ہو ہائے ایسے نامہ بر کا |
| سنا ہے رو رہے ہیں یاد کر کے |
| یقیں آتا نہیں ایسی خبر کا |
| جہاں نانِ جویں پہ ہاتھا پائی |
| وہیں پر تذکرہ لعل و گہر کا |
| خلوص و پیار مِل جائے سرِ راہ |
| تو سمجھو با خدا دھوکہ نظر کا |
| طبیعت اسفل و سافل سے بد تر |
| جنوں تسخیرئی شمس و قمر کا |
| بے چاری قوم مایوس و پریشاں |
| جنوں چارہ گروں کو مال و زر کا |
| نہ کوئی بات نہ رمز و کنایہ |
| مزا کیا آئے ایسے ہم سفر کا |
معلومات