| حیرت ہے کہ اس سے تو مخاطب بھی نہیں تھے |
| اس نے جو کہے لفظ مناسب بھی نہیں تھے |
| ہم کون سے مغلوں کے قبیلے میں پلے ہیں |
| پھر کیسے کہیں حفظِ مراتب بھی نہیں تھے |
| ہم اہلِ تذبذب پہ یہ الزام کڑا ہے |
| ہم اپنی طرف غیر کی جانب بھی نہیں تھے |
| کہتی ہے کہ اک زہر تھی مردانگی میری |
| رشتوں میں کبھی اتنے تو غالب بھی نہیں تھے |
| الزام بنے لفظ لکھے تھے جو وفا میں |
| جو اس نے نکالے تھے مطالب بھی نہیں تھے |
| اک وہم نما زندگی یاں ہم نے گذاری |
| حاضر بھی نہ تھے ہم یہاں غائب بھی نہیں تھے |
معلومات