| جب جب اٹھا سوال کبھی رہبری کا ہے |
| دل کی مٹانے تشنگی کا، تیرگی کا ہے |
| عقدہ کشائی سب کو پسر مرتضی ؓنے دی |
| یا مسئلہ ہے نور کا یا روشنی کا ہے |
| لہرائے گا یہ شان سے ہر سمت دیکھئے |
| "یہ پرچم حسینؓ بھی پرچم علیؓ کا ہے" |
| سینہ سپر یزیدیوں سے بے جھجک ہوا |
| قرباں ہوا جو دیں پہ، نواسہ ؓنبی ؐکا ہے |
| دشمن کے سامنے نہ کیا سر نگوں کبھی |
| میدان کربلا میں کٹا سر جری کا ہے |
| درس حسینؓ پا سکے ناصؔر یہاں اگر |
| اتمام فرض ہو سکے تب بندگی کا ہے |
معلومات