| میرے جسم سے میری روح تک |
| ایک گھنی اداسی پھیلی ہے |
| جس کی تند لہریں دھائیں بھائیں |
| امیدوں کے ساحلوں سے ٹکرا کر |
| میری جسم و جاں کی بنیاد کو |
| جھنجھوڑتی ہیں |
| ایسا شکتہ دلی کا تلاطم |
| ان روشنیوں کے جزیروں کو |
| سیاہی میں ڈبو دیتی ہے |
| جو میرے وجود کی کسی گوشے میں |
| بچ گئے ہیں |
| جن پر وجود کے گلاب کھلتے ہیں |
| جن گلابوں کی خوشبو سے |
| میرے وجود کا چمن ابھی روشن ہے |
| ایسے ہنگامے میں |
| جو لوگ ابھی تک زندہ تھے مجھ میں |
| ایک ایک کر کے |
| بحرِ کشاکش میں اتر رہے ہیں |
| عجب افراتفری میں مر رہے ہیں |
| اور وہ خواب نگری |
| جو میں نے دل کی زمیں پر بسائی تھی |
| وجود کی خوشبو جو مہکائی تھی |
| جسکی مٹی کو میں نے |
| اپنے اشکوں سے سیراب کیا تھا |
| ایک بیاباں بنتی جا رہی ہے |
| جس کی فضا گرد آلود ہے |
| تمناؤں کے خون سے |
| جس میں ایک ایک خواب |
| آئینے کی طرح |
| روز ٹوٹتا ہے |
| میں دور سے جب دیکھتا ہوں |
| اپنا شہرِ وجود کا حال |
| تو سوچتا ہوں |
| یہ جو ہو رہا ہے |
| اگر یہی ہوتا آیا ہے۔۔۔ یہی ہوتا ہے |
| یہی ہوگا۔۔۔ یہی ہونا ہے |
| تو میں کس سے لڑ رہا تھا |
| کیوں ایسی کشمکش سے بھاگتا ہوں |
| دور کسی آسماں میں رہنے لگتا ہوں |
| سو میں خواب تھا ایک لباس تھا |
| ایک کردار تھا ایک اداکار تھا |
| جو ہر دم کہیں بے قرار تھا |
| اور یوں عجب طرح کی اداکاری تھی |
| گوشہ گوشہ شرم ساری تھی |
| سو وہ جو میں تھا! |
| وہ میں تھا ہی نہیں |
| سو ایسا ہے تو چلو ٹھیک ہے چلنے دو |
| ایک انہونی میں یوں ہی بے سبب جلنے دو |
معلومات