| واحد ہے مرے غم کا سہارا ترا چہرہ |
| ہنستا رہے اے سانولی پیارا ترا چہرہ |
| مایوس چلا آتا ہوں ہر چہرے سے جب میں |
| مجھ کو دیا کرتا ہے سہارا ترا چہرہ |
| وہ شام ہو میخانے کی یا صبحِ قیامت |
| کرتا ہے مرے درد کا چارا ترا چہرہ |
| مخمور سی آنکھوں کا تو کہنا ہی تری کیا ؟ |
| میخانے کا لگتا ہے نظارا ترا چہرہ |
| تصویر کی صورت مری دیوار پہ اکثر |
| اک عرش نما رہتا ہے تارا ترا چہرہ |
| آنکھوں سے برسنے لگے جب جھیل کا پانی |
| پھر سطح پہ ہر بار اتارا ترا چہرہ |
| کس طرح اسے دور نگاہوں سے میں رکھ لوں |
| تسکین کا باعث ہے خدارا ترا چہرہ |
| جو حفظ ہوا مجھ کو ترا نقشِ زبوری |
| چہرہ ہے تمہارا کہ ہمارا، ترا چہرہ ؟ |
| جب حسن کا پوچھا میں نے پریوں سے فسانا |
| تو قاف سے پریوں نے پکارا ترا چہرہ |
| ہر شعر ملا برملا کہتا ہوا مجھ کو |
| کیا شعر میں ساگر نے ابھارا ترا چہرہ |
معلومات