| گر زندگی کا چاہئے آساں سفر ملے |
| کوشش کرو کہ صحبتِ اہلِ نظر ملے |
| منزل کی اور ہی بڑھے جو بھی بڑھے قدم |
| دنیا کا پیار راہ میں حائل بھی گر ملے |
| تم پر جو رات آئے شبِ قدر ہو وہی |
| جس پر نہ آئے رات پھر ایسی سحر ملے |
| آساں ہوں امتحان تمہارے لئے سبھی |
| خوشیوں کی ہی ملے تمہیں جو بھی خبر ملے |
| تم پر نہ دھوپ آئے چلو ایسی راہ پر |
| جس پر قدم قدم پہ تمہیں اک شجر ملے |
| تم کو نہ روک پائیں زمانے کی لذّتیں |
| جو ساتھ لے کے چل پڑے وہ ہمسفر ملے |
| قربان جائے وہ جو تمہاری وفاؤں پر |
| دل تم کرو فدا جو تمہاری نظر ملے |
| طارق کہیں پہ بیٹھیں کبھی مل کے دو گھڑی |
| اس کاروبارِ زندگی میں کب مفر ملے |
معلومات