| مجھ کو جو چاہیے تھا وہ مجھ کو ملا نہیں |
| سو اب مرے لبوں پہ کوئی التجا نہیں |
| مجھ کو گلہ کیا ہوتا تو سب سے ملا مگر |
| ہاں اک گلہ ہے وہ یہ تو مجھ سے ملا نہیں |
| ہم ہیں اسی جہاں کے کہیں اور کے نہیں |
| یہ ہے تمہاری مرضی یقیں کر لے یا نہیں |
| اب کس سے ہے توقع کہاں جاو گے اے دل |
| کم ظرف اس جہاں میں کوئی با وفا نہیں |
| برباد ہونا ہی تھا سو برباد ہو گیا |
| اب مجھ کو میری جان کسی سے گلہ نہیں |
| وہ بھولی لڑکی مجھ کو بھلا کیسے جانتی |
| جو اس کے سامنے میں کبھی بھی کھلا نہیں |
| تم کو ابھی ہے فکر مرے دل کی دنیا کی |
| وہ ہو گئی تباہ وہاں کچھ بچا نہیں |
| گلیاں بہت خموش کہیں ہائے ہو نہیں |
| کیا کچھ ہوا ہے یارو میں نے کچھ سنا نہیں |
| الفاظ ہی قلم کو میسر نہیں کہیں |
| محسوس جو کیا ہے وہ میں نے لکھا نہیں |
| پھر سے جگائے کون تمناؤں کو مری |
| اس صحنِ بے دِلی میں وہ بادِ صبا نہیں |
| جانے ہوا کیا اس کو کہاں کھو گیا ہے وہ |
| اس کا بہت دنوں سے کہیں کچھ پتا نہیں |
| تم توڑ ڈالو آج مراسم جو مجھ سے تھے |
| بن تیرے جی لوں گا جا کوئی مسئلہ نہیں |
| کچھ لوگ اپنے آپ کو سمجھے خدا مگر |
| وہ بھی خدا کے بعد کسی کے خدا نہیں |
| اک بے دلی تھی ساتھ، سو دنیا سے ہار کر |
| رشتہ نبھا رہا ہوں، مگر دل لگا نہیں |
| اک بوجھ ہے حیات جو سر پر دھرا ہوا |
| اک خواب تھا جو پورا ہوا پر ملا نہیں |
| جو عکس تھے جو خواب تھے سب مر چکے ہیں وہ |
| اب میں ہوں اور مجھ میں کوئی دوسرا نہیں |
| اک عمر میں نے خود سے نبھائی ہے دشمنی |
| اب مجھ کو اپنے آپ سے بھی واسطہ نہیں |
| اک شور ہے جو دل میں مچا ہے تمام رات |
| اک دم ہے جو کسی طرح یارو گھٹا نہیں |
معلومات