| دھڑکن جو گا رہی ہے ترانہ فضول ہے |
| ایسے میں ساز دل کا بجانا فضول ہے |
| اے دل کبھی اَلاپ کوئی راگ درد کا |
| کچھ لوگ کہہ رہے ہیں کہ گانا فضول ہے |
| فریاد کر رہا ہوں کہ سُنتا نہیں کوئی |
| بے رحم دور ہے یہ زمانہ فضول ہے |
| دھوکہ دغا فریب ہی نیت میں ہے بھرا |
| جھوٹا ہے عشق تیرا فسانہ فضول ہے |
| جس شخص سے ہزار ہا نے دل لگایا ہو |
| دل ایسے بے وفا سے لگانا فضول ہے |
| لہریں بہا لے جائیں کسی وقت بھی کہیں |
| ساحل پہ گھر مرا ہے ٹھکانہ فضول ہے |
| غم اس قدر ملے ہیں کہ دنیا بدل گئی |
| وافِر غموں میں خوشیاں مِلانا فضول ہے |
| آخر بیادِ ماضی کا تنویر کیا کریں |
| جو بھول ہی نہ پائے بھلانا فضول ہے |
| تنویرروانہ |
معلومات