| دیکھیں انہیں تو صاحبِ حسن و جمال ہیں |
| سیرت میں کچھ کمی نہیں ہے با کمال ہیں |
| گر زائچہ نکال کے دیکھیں تو با نصیب |
| مخلص ہیں مہربان ہیں اور خوش خصال ہیں |
| محفل میں کھل کے بات جو ان سے نہ ہو سکی |
| ملنے کو آئے ہیں بڑے روشن خیال ہیں |
| وہ جان و دل سے ہم پہ فدا ہیں بلا شبہ |
| کہتے ہیں پر عقیدے بدلنا محال ہیں |
| مجنوں ہوا تھا قیس تو لیلیٰ کو دیکھ کر |
| یاں بام و در پہ جا بجا آشفتہ حال ہیں |
| ہر کوئی ہے مریض مسیحا کی ہے تلاش |
| جانے کہاں گئے ہیں جو پُر سانِ حال ہیں |
| دنیا کو اور رستے پہ ہم لے کے چل پڑیں |
| پر جس کو دیکھیں اس کے یہاں مست حال ہیں |
| ہم آگئے ہیں صبح کا مژدہ لئے ہوئے |
| وہ رات کے ہی خواب سے اب تک نہال ہیں |
| دیکھے تو کوئی درد میں ہے کون مبتلا |
| جس کی سنو دلیلیں سبھی بے مثال ہیں |
| طارق انہیں جگا کے کہو اٹھو اب چلیں |
| خُلدِ بریں کی نعمتیں ہی لازوال ہیں |
معلومات