| کہتے ہیں جہاں مے کش و بادہ نہیں ہوتا |
| خوش رنگ وہاں رت کا لبادہ نہیں ہوتا |
| چہروں پہ ضیا ہوتی ہے ساقی کے ہی دم سے |
| دستور وفا اتنا بھی سادہ نہیں ہوتا |
| لب تک بھی کبھی آتا نہیں حرف تمنا |
| اس درد میں کچھ شور زیادہ نہیں ہوتا |
| چڑھتا ہے صلیبوں پہ سدا پھر بھی تو دیکھو |
| کیا عشق کا ہر روز اعادہ نہیں ہوتا |
| شب وصل کے لمحے بھی بتا دیتے ہیں تارے |
| کچھ چاند کا دل بھی تو کشادہ نہیں ہوتا |
| معراج محبت کسے ہوتی ہے حاصل |
| منزل نہیں ہوتی ، کہیں جادہ نہیں ہوتا |
| حق بات کہاں رکتی ہے شاہد ترے من میں |
| کہہ دیتا ہے تو بھی جو ارادہ نہیں ہوتا |
معلومات