| پوچھتی ہے ہم سے دنیا آپ کیا کرتے رہیں |
| ہم تو دیوانے ہیں انکا تذکرہ کرتے رہیں |
| اپنے ہونٹوں پر سجا کر اسم اعظم ہر گھڑی |
| خوب آسانی سے سر ہر راستہ کرتے رہیں |
| حق ادا ہو بندگی کا یہ تو ممکن ہی نہیں |
| چاہے بیٹھے عمر بھر انکی ثنا کرتے رہیں |
| میرے آقا ﷺ نے کہا تھا ، راہِ حق میں بارہا |
| زندگی ملتی رہے تو ہم فنا کرتے رہیں |
| عشق کہتے ہیں کسے مولیٰ نے سکھلایا ہمیں |
| وہ وفا کرتا رہا پر ہم جفا کرتے رہیں |
| عمر گزری ہے گناہوں میں تو توبہ کیجیے |
| بخش دیگا پر خدا سے اب حیا کرتے رہیں |
| راز طیب ذاتِ واجب کا بتاؤں آپ کو |
| مہرباں ہے رب ہمارا التجا کرتے رہیں |
معلومات