| پھول پھیلے نہ تھے جو گملے میں |
| آج سوکھے پڑے ہیں رستے میں |
| ایک بھی حرف سچ نہیں بولا |
| اس کو جلدی تھی چھوڑ جانے میں |
| تیری یادوں نے حال پوچھا تھا |
| جب میں تنہا تھا اپنے کمرے میں |
| ہم نے کردار وہ نبھانا ہے |
| جو لکھا تھا ہمارے کھاتے میں |
| آج وہ خود کو مار ڈالے گا |
| ایک کردار ہے جو شیشے میں |
| اس کی تفتیش ہو رہی ہے ابھی |
| کون مارا گیا ہے جھگڑے میں |
| ایک تمثیل تھی حقیقت میں |
| کی مکمل جو ایک جملے میں |
| اپنی دھرتی پہ جان دی اُس نے |
| جو لپٹا ہوا تھا جھنڈے میں |
| کچھ دعائیں میرا اثاثہ ہیں |
| اور کچھ بھی نہیں ہے حصے میں |
معلومات