| چلو کہ پھر سے نیا رازداں بنا لیں ہم |
| نئی زمین نیا آسماں بنا لیں ہم |
| کہیں تلاش کریں ہم نئے زمانوں کو |
| نئے سرے سے کوئی داستاں بنا لیں ہم |
| تجھے نکال کے اپنے وجود سے ہم بھی |
| نئے شجر پہ کوئی آشیاں بنا لیں ہم |
| چلو کہ ہم کسی ایسی جگہ چلے جائیں |
| کہ بات تیرے بِنا بھی وہاں بنا لیں ہم |
| کہ ہم نے دیکھ لیئے لفظ بے اثر ہوتے |
| کہ خامشی کو ہی اپنی زباں بنا لیں ہم |
| ہجومِ شہر میں خود کو نہ سن سکیں جو ہم |
| کسی بیاباں میں ہی آستاں بنا لیں ہم |
| کہ ساری کھڑکیاں تیری طرف ہی کھلتی ہوں |
| ترے جوار میں ایسا مکاں بنا لیں ہم |
| میں کیا کروں کہ تو محور ہے میری سوچوں کا |
| کہاں سے تیرے بنا پھر جہاں بنا لیں ہم |
| ترے خلاف دلیلوں کو دل نہیں مانے |
| ترے خلاف یہاں جو بیاں بنا لیں ہم |
| دو مشورہ بھی ہمیں کام ہو گا کیسا گر |
| جو نامرادوں کا دارالاماں بنا لیں ہم |
| سزا ملی ہے ہمایوں تجھے تخیل کی |
| بہار کو بھی جو دیکھیں خزاں بنا لیں ہم |
| ہمایوں |
معلومات