| تمہیں اب تلک جس نے سمجھا نہیں |
| تو شاید کبھی اس نے سوچا نہیں |
| تجھے پڑھ کے کہتے ہیں سب بر ملا |
| کسی نے ترے جیسا لکھا نہیں |
| ترے حسن کا جو نہ شیدا ہوا |
| تو دیکھا تِرا اس نے جلوہ نہیں |
| پہنچتی ہے تیری جہاں تک نگاہ |
| وہاں تک کسی نے بھی دیکھا نہیں |
| نہیں راز کوئی بھی تم سے نہاں |
| کسی دل کا تم سے تو پردہ نہیں |
| حجابوں کے اندر چھپے ہو مگر |
| مجھے کہہ رہے ہو کہ ڈھونڈا نہیں |
| عیاں ہو تو پھر ماننے کے سوا |
| کسی کے لئے کوئی رستہ نہیں |
| وہ ذات اس قدر جب ہے طارق حسیں |
| کہیں دل بنا اس کے لگتا نہیں |
معلومات