| کونین کی وجہ بھی میرے حبیب ہیں |
| دارین کی جِلا بھی میرے حبیب ہیں |
| نورِ نبی سے سرمہ تھا طور ہو گیا |
| ہر چشم کی ضیا بھی میرے حبیب ہیں |
| وہ دردِ زندگی جو میرا رفیق ہے |
| شافی ہیں جو دوا بھی میرے حبیب ہیں |
| احسان لوں فغاں کا میرے لئے عبس |
| اس دل کے آشنا بھی میرے حبیب ہیں |
| ہجرِ نبی سے دل ہے اک بوند خون کی |
| ماویٰ حسیں سدا بھی میرے حبیب ہیں |
| تابندہ و منور کرتی ہے یاد جو |
| اس کی ہے جو سدا بھی میرے حبیب ہیں |
| محمود جس سکوں کی میرے ہے دل کو آس |
| وہ چارہ اور شفا بھی میرے حبیب ہیں |
معلومات