| جو بے یقینی زمان و مکاں سے آتی ہے |
| خرد سے الجھی ہوئی داستاں سے آتی ہے |
| کوئی تو ہوگا جو اس کا پتا بتائے گا |
| یہ بے قراری مسلسل کہاں سے آتی ہے؟ |
| یہ کس کی یاد ہے سایہ فگن خیالوں میں؟ |
| یہ کس کی چاپ دلِ ناتواں سے آتی ہے؟ |
| یہ کون ہے جو ستاروں میں مسکراتا ہے؟ |
| یہ روشنی جو پسِ کہکشاں سے آتی ہے؟ |
| یہ کس کا نام صداؤں میں روز سنتے ہیں؟ |
| یہ کس کی یاد شبِ بے کراں سے آتی ہے؟ |
| یہ کس کے ذکر سے تاثیرِ جاوداں پائی؟ |
| یہ نغمگی جو لبِ مہرباں سے آتی ہے |
| سلام ہمتِ عالی کو جو کہ طوفاں میں |
| شکستہ ہو کے بھی موجِ رواں سے آتی ہے |
| کہاں وہ نور نظر آئے عہد حاضر میں؟ |
| جو روشنیٔ ہنر رفتگاں سے آتی ہے |
| (ڈاکٹر دبیر عباس سید) |
معلومات