| گُلوں میں دِلکشی ہے مہکی فضا جو ہے |
| بطحا سے خوشبو لائی بادِ صبا جو ہے |
| کلیاں خوشی سے ہیں سب فصلِ بہار میں |
| سَرمست ہو کے بُلبل محوِ ثنا جو ہے |
| عشقِ حبیبِ رب میں جو جھومتے ہیں دل |
| ہیں حَوصلے کے طالب کُچھ کُچھ ملا جو ہے |
| کونین میں ہیں راضی وہ با مُراد سب |
| آقا سے فیض ان کو ایسے ملا جو ہے |
| راضی ہیں مصطفیٰ اور سینہ صفا جو ہے |
| بندہء مُصطفیٰ کی عترت سے ہے وفا |
| آلِ حبیب کی یوں اس پر عطا جو ہے |
| لولاک شان والے ہیں اصلِ کائنات |
| سبحان نورِ یزداں اس کی بنا جو ہے |
| روشن ہیں چاند تارے تاباں ہے شمس یوں |
| اُس نورِ اولیں سے آتی ضیا جو ہے |
| بھرتے ہیں جھولیاں وہ دیتے ہیں ہر مراد |
| ہر دم درِ عطا یوں ایسے کھلا جو ہے |
| گر زندگی میں پُونجی عشقِ رسول ہے |
| محمود دان اُن سے اُن کی عطا جو ہے |
معلومات