| حرا سے اتر کر جو پیغام لائے |
| نبوت کے سردار انعام لائے |
| اشارہ ہوا صاف تبلیغ کا ہی |
| شریعت کے نورانی احکام لائے |
| نوازا خدا نے نیا دین دے کر |
| عطا کردہ نسخہ ءِ افہام لائے |
| کہ امت نوازش کی حقدار پائی |
| یہ دعوت کا افضل بڑا کام لائے |
| تکالیف جھیلیں، اذیت اٹھائی |
| مشقت سے دیں کو در و بام لائے |
| تڑپتے رہے رات دن بے تھکاوٹ |
| صدا حق کی پہنچاتے ہر گام لائے |
| ہوا سلسلہ ختم ناصؔر یہ آخر |
| مہر بھی رسالت کی اتمام لائے |
معلومات