| دِل نہیں چاہتا کہ یاد آئیں |
| پِھر بھی کُچھ لوگ آ ہی جاتے ہیں |
| حاصلِ عِشق آبلہ پائی |
| عِشق میں جوگ آ ہی جاتے ہیں |
| کُچھ پُرانوں سے جان چُھوٹے تو |
| کُچھ نئے روگ آ ہی جاتے ہیں |
| اَیسے لگتا ہے اب نہیں آنے |
| پِھر بھی تو سوگ آ ہی جاتے ہیں |
| چونچ جیسی ہو چونچ ہوتی ہے |
| چونچ میں چوگ آ ہی جاتے ہیں |
| ہو عبادت کہ وہ ہو پُوجا پاٹ |
| اَنت میں بھوگ آ ہی جاتے ہیں |
| مِٹ ہی جاتی ہیں دُوریاں اِک دِن |
| ایک دِن یوگ آ ہی جاتے ہیں |
| کھا ہی جاتی ہے ایک دِن دِیمک |
| پیڑ میں پھوگ آ ہی جاتے ہیں |
| زندگی شَرط ہے سو مرزا جی |
| جوگ سَنْجوگ آ ہی جاتے ہیں |
| (مرزا رضی اُلرّحمان) |
معلومات